السلام عليكم ورحمة الله وبركاته 

أخبار ذنوبنا إيه؟؟؟ 
طبعا مغرقة الدنيا هههههه 
طب وهنعمل ايه بقى فى الذنوب اللى مبتخلصش دى ؟ تقريبا كده يا مريم مش بيعدى لحظه إلا لما بنذنب فيها ...
مع إختلاف درجات الذنب طبعا لكن كلها تحت بند (ذنووووب) 
طب تعالو نشوف الكلام ده عجبنى قوى وقولت مش هحرم حبايبى منه ومن جمال الكلمات اللى هتريحنا دى 
تعالى هقولك   إفتح لي قلبك:
لو مش عارف تبطل ذنب معين استثمره 
ابن تيمية بيقول: " وكم من ذنب ادخل صاحبه الجنة " 
طب ازاي 
فكرة استثمار الذنب انك بتحاول تبطل علي قد ما تقدر
طب لو وقعت
خد من الذنب دة دفعة انك ترجع احسن من الاول✌
زي ما كان احد السلف بيقول : "لئن غلبني الشيطان اليوم لاصرعنه غداً"
استغفر وتوب واندم بعد الذنب واعمل حسنات كتير 
ابن القيم بيقول : وانين المذنبين احب الي الله من تسبيح المسبحين
مش معني كدة ان الذنوب احسن بس انكسارك بعد الذنب وتوبتك ودعاءك واستغفارك يمسح المعصية 
وممكن ترجع احسن من الاول كمان
الذنب مش النهاية بالعكس ممكن يكون اقوي بداية 
ويخليك ترجع احسن من قبل الذنب 
متخليش الشيطان ييأسك من رحمة ربنا
إن الله يغفر الذنوب جميعا 
عن تجربة شخصيه بجد من ظن بالله خيرا ظن الله به خير ... منكرش إنى أذنبت كتير ومع ذلك ظنى بالله خييير إنو يسامحنى ويلهمنى بالإستغفار والتوبه دايما 
الحمد لله على كل شئ 
أتمنى يكون الموضوع أفادكم وريح بالكم 

أختكم مريومه ♡♡