السلام عليكم ورحمه الله وبركاته 

قصتى التى سوف اسردها موجهه الى كل رموز الدعم سواء الذين سبقونى ولم اتشرف بمقابلتهم او قابلتم والى كل من عاصرونى فى البدايه والى كل من اتوا بعدى ومن سيأتون ان شاء الله 
ويجب ان تلاحظوا التواريخ والارقام جيدا لأنها هى كل شىء بالنسبه لى وهى من جعلتنى فى الدعم حتى الان 
اولا بدايتى بدأت فى نهايه عام 2011 عندما كنت ابحث بجوجل عن انشاء منتدى وظللت ابحث كثيرا وافقد الامل وبعد فتره احاول مره اخرى ويتكرر الامر فقلت طب اعمل مدونه وخلاص لحد لما اشوف حكايه المنتدى بعدين 
وعندما كتبت فى جوجل انشاء مدونه ظهرت لى شركه احلى منتدى وفرحت جدا ان عمل المنتدى بقى متاح لى بالصدفه الباحته وبدأت عمل المنتدى تاريخ إنشاء المنتدى : الخميس 5 يناير 2012 - 21:21 وطبعا اليوم ده تاريخى بالنسبه ليا لأنه يوم ميلادى 
ومنذ ذلك اليوم بدأت فى ضبط المنتدى عن طريق الدخول لمنتدى الدعم كزائر فقط وارى مواضيع الاعضاء وردود المساعدين وابدأ فى عمل كل ما يخص المنتدى من شروحات المساعدين حتى انشأت قرابه 80% من منتدايا وفكرت ان اشترك بالدعم حتى استفيد اكثر وكان اشتراكى به يوم 4 فبراير 2012 اى بعد شهر فقط من انشاء المنتدى 
وطبعا اعتمدت كثيرا على ردود المساعدين للأعضاء ولم افتح الا 15 موضوع فقط لطلب المساعده واثناء ذلك اعجبت كثيرا بحكايه المساعده وعندما ارى عضو يطلب المساعده كنت اسارع بمساعدته بما اعلمه فقط واسبق المساعدين نفسهم 
وطبعا ده مكنش طمعا فى دخول الفريق لأن الفريق كان اغلبه معدى 10000 مساهمه وكان املى انى ادخل الفريق فى خلال عام او عامين عندما استطيع ان افعل ذلك واكيد الفكره دى جاتلى بعد ما كنت اعتقد ان المساعدين يعملون فى الشركه موظفين وليس متطوعين 
المهم وفى خلال 3 شهور فقط من دخولى الدعم اى فى شهر مايو 2012 وكان لدى فقط 309 مساهمه عند دخولى للدعم عشان اساعد الاعضاء فوجئت رساله تهنئه من الاخ كيمو ميمو يهنئنى فيها بدخولى الفريق وطبعا كانت مفاجأ ومصدقتش الا لما لقيت لون اسمى اتغير بلون مجموعه مرشحين فريق المساعده 
وعرفت انى هكون موجود لمده شهرين فى المرشحين قبل الترقى فعملت جاهدا فى هذين الشهرين حتى اكون مستحق لدخول الفريق 
وطبعا بعد شهرين فوجئت بما لم اتوقعه او يتوقعه احد وانه تم الغاء جميع المجموعات سواء المساعده او الابداع او الحوار بسبب تصرفات بعض الاعضاء فى الفريق حسب ما علمت وقتها 
واكيد انها كانت صدمه كبيره فى الوقت اللى كان المفروض يتم ترقيه مجموعتى تم الغاء جميع المجموعات 
ولكن خرجت من الصدمه سريعا فى خلال بضع ايام فقط ودخلت الدعم مره اخرى للمساعده فى ظل عدم وجود اى مجموعه الا الزعيم فقط
لأن هذا هو هدفى المساعده فقط 

وخلال ايام ايضا فوجئت بموضوع للزعيم يعمل فيها مسابقه لمن يريد ان يكون عضو بالفريق ويدخل مجموعه اسمها مرشحين تحت التجربه والمجموعه لم تكن لها لون مميز ولكن كانت بلون الاعضاء نفسهم اى ما يفرق بين الاعضاء والمرشحين هو التميز فى المساعده 
طبعا انا طلبت الدخول فى المسابقه لأنه اعتبرت ان هذا حقى ولم احصل عليه 
المهم بعد شهرين ونصف اخرين تمت ترقيتى للفريق وطبعا بما انى كنت فى المرشحين لمده 4 شهور ونصف فأكيد كسبت خبره كبيره نصفها من الفريق القديم ومنهم قاهر الاكواد ورامى واحمد ميدو وجنرال وزياد واسير الدموع  وميدو ليدو وجنه قلبى  والنصف الاخر من تجربتى مع كثير من الاعضاء اللى كانوا بيطلبوا منى انى اكون مدير عندهم واساعدهم فى بناء منتدياتهم ولم استطع ان ارفض ذلك لأنى اعتبرتها ضريبه للمسئوليه الموجوده على عاتقى لدرجه انى وقتها كنت مدير فى ما يقرب من 15 منتدى وكان المطلوب منى ان اعاونهم فيها مع منتدايا ومع وجودى فى الدعم وهذا دفعنى لأن ازيد من معلوماتى وبحثى وخبرتى زادت وقتها كثير لأن كانت بتقابلنى كميه كبيره جدا من المشاكل وكان لازم اشوف ليها اكتر من حل 

لدرجه ان اوقات كثيره مكنش فيه مساعدين بيدخلوا الدعم غير انا وسعات كيمو وكنت بقوم من امام الكمبيوتر الساعه 2 بعد منتصف الليل وانام 4 سعات واقوم الساعه 6 صباحا اى كنت ببقى موجود فى الدعم ما يقرب من 20 ساعه يوميا لعده اشهر بس كان على قلبى زى العسل وكنت مبسوط بالمسؤليه بالرغم من متاعبها
وخلال سنوات وجودى بالدعم دخل اعضاء للفريق وخرج اكثر وسعات كنا بنضحك ونهزر وسعات كنا بنتخانق ونزعل بدون ذكر اسماء بس المهم كل ده كان عشان المساعده وليس لأسباب شخصيه على الاقل من نحيتى انا  

ومعلش طولت عليكم بس والله ده ملخص بس لكن لو قولت تفصيل مكنتش هخلص وكنتوا هتموتونى 

وشكرا لأداره منتدى رموز الدعم وخاصه قاهر الاكواد واسير الدموع اللى طلبوا منى التسجيل هنا منذ بدايه منتدى الرموز منذ 4 سنوات 
وشكر خاص لمحمود اسلام اللى سمح ليا انى اقول اللى فى نفسى وكانت عايز اطلعه من زمان  
وشكرا لكل الرموز اللى تعبتهم جدا معيا وبعتذر ليهم جدا لو لسه فى حد زعلان منى   
والسلام عليكم ورحمه الله وبركاته